Daniel Williams (38) eienaar van die Occidental Bar is Saterdag skielik oorlede.
Williams en sy pa Mike Williams, het die Occidental bar by die Groot Gat besit en ook onlangs die restaurant by die Halfway House oorgeneem.
Williams se dood het Kimberley geskok en hy gaan ‘n groot leemte in die restaurantbedryf laat. Die oorsaak van sy dood is steeds onbekend.
Begrafnisreëlings
Sy begrafnis vind Vrydagoggend 15 Februarie om 11:00 by die Bikers Church plaas.
‘n Groep Bikers sal teen 10:30 by McDonalds bymekaarkom en teen 10:45 ter herdenking van Daniel saam tot by die Bikers Church ry. Enige persoon wat wil deel wees van die gedenkdiens is welkom.
