GAUTENG. – Hardlopers en ondersteuners het Vrydag by die Hollard Daredevil Run 2025, by die Dieretuinmeer en in gemeenskappe regoor Suid-Afrika in hul duisende byeengekom om bewustheid oor prostaat- en testikulêre kanker te bevorder.
Met hul kenmerkende pers Speedo’s het deelnemers nie net gehardloop nie, maar ook gesprekke oor mansgesondheid aangemoedig. Die jaarlikse 5 km-geleentheid was daarop gemik om stigmas af te breek, openlike gesprekke aan te moedig en mans te herinner aan die belangrikheid van vroeë ondersoeke.
Volgens Hazel Chimhandamba, Hollard se groepbemarkingshoof, was die doel van die veldtog om die passie wat Suid-Afrikaners vir sport het, met mansgesondheid te kombineer. “Die Daredevil Run skep bewustheid op ’n prettige en ontspanne manier en moedig mans aan om oor hul gesondheid te praat,” het sy gesê.
Die veldtog, wat in vennootskap met die Kankervereniging van Suid-Afrika (Kansa) en die Prostaatkankerstigting aangebied word, het reeds meer as R1 miljoen ingesamel om bewustheid en toegang tot kankerondersoeke in afgeleë gebiede te verbeter.
Druk hier om meer te lees.
