Die Kimberley-polisie se taktiese reaksiespan (TRT) het op 13 Januarie 2019 ’n vuurwapen wat by ’n besigheid in Ganyesa in die Noord-Wes provinsie gesteel is op Kuruman gekry.
Kapt. Olebogeng Tawana, woordvoerder van die polisie in die Noord-Kaap, sê: “Ons TRT-span het baie hard gewerk om die wapen wat na die roof van ‘n besigheid in Ganyesa as gesteel aangemeld is terug te kry. ’n Man in sy dertigs is in hegtenis geneem vir die onwettige besit van ’n vuurwapen nadat hy deur polisiebeamptes oortuig is om die geweer na die Kuruman-polisiekantoor te bring. Die man beweer dat verdagtes van die rooftog in Ganyesa die geweer aan hom verkoop het. Die man en die verdagtes sal binnekort in die hof verskyn.”
