’n WhatsApp-kettingboodskap wat inwoners van Kimberley waarsku om weg te bly van kraanwater omdat ’n onbekende voorwerp in die munisipale water beland het, is fopnuus, sê Sol Plaatje-munisipaliteit.
Die vals boodskap waarsku: “Moet asb ni di water drink want municipality het nu net laat weet dat daar iets in di water geval het so wees versigtig en hou asb di kinders vani krane af weg asb.Str aan as j n hart vr ane mense,” (sic)
Sello Matsie, woordvoerder van Sol Plaatje-munisipaliteit, sê: “Daar is geen naam van die skrywer of ’n datum waarop dit uitgereik is by die fop-waarskuwing geplaas nie. Daar is geen waarheid in die aantygings wat gemaak word nie. Ignoreer dit asseblief.”
