Schalk Willem Engelbrecht (9), ’n vegkunsstudent van Lessing Martial Arts Academy op Jacobsdal, het ’n silwer medalje by die ISKA-wêreldkampioenskap vir gevegskuns in Orlando verower.
Ongeveer 4500 deelnemers van meer as 30 lande het tussen 4 en 6 Julie die kampioenskap in Orlando, Florida, in die VSA bygewoon.
Shihan Sakkie Lessing, hoofafrigter van die Suid-Afrikaanse span wat by dié kampioenskap deelgeneem het, sê hy is baie trots op die uitslae van die SA-span.
Lessing sê Engelbrecht het nie net ’n silwer medalje vir deurlopende veg vir seuns tussen die ouderdom van agt en nege verower nie. Hy het ook die eindstryd van die Clash Fighting-afdeling bereik.
