’n Man van Kimberley is na bewering in Zimbabwe vir die oortreding van ‘n wet van die Parks and Wildlife Act in hegtenis geneem.
Brent Lunt, van Kimberley, tesame met Nyasha Mutendawafa, van Zimbabwe, is na bewering Maandag in Zimbabwe in hegtenis geneem.
Albei het vandag in die landdroshof op Harare verskyn. Die klag teen hulle is die oortreding van ‘n wet van die Parks and Wildlife Act van Zimbabwe. Hulle bly in aanhouding tot 18 Julie, is aan FiND iT bevestig.
FiND iT het navrae aan die polisie in Zimbabwe, sowel as Interpol, gerig en wag op terugvoer. FiND iT is in besit van ‘n dokument wat die beweerde misdaad opsom.
