‘n Groot eers het ‘n plaaslike model te beurt geval.
Jolene Dippenaar (38) is as Mev. Elite SA Noord-Kaap 2019 gekroon. Die geleentheid het op 21 Maart in Krugersdorp plaasgevind.
Elite SA is ’n nasionale kompetisie wat deelnemers van nie net Suid-Afrika nie maar ook Namibië trek. As deel van die kompetisie het die Elite-finaliste ’n sewe maande liefdadigheids-projek van hulle keuse gehad wat hulle gedurende die tydperk, tot die kompetisie plaasvind, moes behartig . “Ons moet ook Elite SA se nie-winsgewende organisasie ondersteun,” vertel Jolene. Hierdie organisasie bestaan uit Feed the babies en Feed a child.
Jolene, wat een van 220 modelle was, vertel dat sy glad nie verwag het om te wen nie. “Die ander modelle was top kwaliteit modelle wat almal by modelskole is. Ek het nog nooit enige modelopleiding gekry nie.”
Jolene het ook die volgende afdelings in die kompetisie gewen.
Mev. Elite 2019- Noord-Kaap wenner
Mev. Elite 2019- Publiek se keuse
Mev. Elite 2019- “Queen of Hearts” wenner
