Kimberley-studente word onder druk geplaas weens resultate wat laat ontvang is, kort voordat registrasies sluit.
FiND iT het met ’n Kimberley-student aan Unisa gesels wat tot gister baie bekommerd was omrede sy nog nie haar eerste jaar se resultate ontvang het nie.
“Ek was baie bly toe ek my resultate uiteindelik ontvang het. Die personeel by Unisa se Kimberley-tak was nie baie behulpsaam nie. Hulle het nie regtig geweet wat aangaan nie en kon my nie help nie. Registrasies sluit volgende week en ek is baie bekommerd of my aansoek betyds deur die Suid-Afrikaanse posdiens afgelewer sal word,” verduidelik die student aan FiND IT.
