Louis Meades se saak vertraag weens dossier

Lees ook :

Louis Meades (46), wat vir poging tot moord, ontvoering en die oortreding van ’n gesinsgeweldbevel teregstaan, het Vrydagoggend weer in die Kimberley-landdroshof verskyn.

Weens die dossier wat nie beskikbaar was nie, is die saak uitgestel tot 24 April.

Meades is op 23 Januarie in hegtenis geneem nadat hy sy vriendin, Sue-Marie Kramer, na bewering aangerand, probeer ontvoer en probeer omry het.

Hy was in aanhouding tot 18 Februarie waarna hy deur landdros Makoto op borgtog van R3000 met die volgende voorwaardes vrygelaat is:
– hy moet op 14 Maart weer in die hof verskyn;
– hy mag geen kommunikasie hê met die slagoffer of die getuies nie en mag geen uitlatings op enige sosiale media maak nie;
– en hy mag ook nie die slagoffer by haar werk gaan teister nie.

Meades  se saak word oorgeplaas na die streekshof vir sy volgende verskyning.