Tshepiso Manchonyane (27) is 15 jaar tronkstraf opgelê vir die moord op sy broer in Maruping Village in Kuruman op 4 Junie 2017.
Luidens die polisieverklaring het Tshepiso en sy broer, Boitshepo Manchonyane (30), in die vroeë oggendure van 4 Junie 2017 ’n uitval by hulle huis gehad. Tshepiso het sy broer met bakstene begin aanval.
“Die slagoffer is in die Batlharos-hospitaal opgeneem en is op 5 Junie 2017 dood verklaar,” sê Sergio Kock, polisiewoordvoerder. “Tshepiso is die dag daarna in hegtenis geneem.” Op 12 Februarie is hy skuldig bevind aan die moord op sy broer.
