Die polisie in Kimberley ondersoek ’n saak van roekelose en nalatige bestuur nadat ’n vrou Saterdag in Schmidtsdriftweg raakgery is.
Kaptein Tessa Jansen, polisiewoordvoerder, sê die vrou is Saterdagmiddag deur ’n taxibestuurder net voor die Riviera Spar omgery.
Die taxi-bestuurder beweer dat die vrou oor die pad gehardloop het en hy het haar glo te laat gesien. ’n Ander ooggetuie beweer die vrou het agter ’n kind aan oor die pad gehardloop.
Die vrou is nie ernstig beseer nie en is hospitaal toe geneem vir behandeling en skok, maar is nie opgeneem nie.
Die polisieondersoek duur voort.
