KIMBERLEY. – Die munisipaliteit sal binne die volgende uur die water aanskakel, maar gaan die water omstreeks 19:00 weer afskakel.
Sello Matsie, woordvoerder van die munisipaliteit, sê die herstel en aansluiting van die Y-stuk by die Riverton-watersuiweringsaanleg is voltooi en geen lekkasies is tot dusver aangemeld nie.
“Ons sal binne ‘n uur water deur die 600mm pypleiding begin pomp. Dit sal die kapasiteit met ’n gemiddeld van 1 200 liter per sekonde verhoog.”
Hy sê om die vlakke by die Newton Reservoir te verhoog, sal hulle die water na Roodepan- en Galeshewe-gebiede omstreeks 18:00 afskakel. “Newton sal later om en by 19:00 afgeskakel word.”
