Waterkrisis op Garies

Die DA in die Noord-Kaap doen ’n beroep op die LUR van Coghsta, Bentley Vass, om dringend in te gryp in die Kamiesberg-waterkrisis. Luidens ’n DA-verklaring is meer as R13 miljoen glo in Garies aan ’n ontsoutingsaanleg spandeer. Sperdatum geskuif “Hierdie sisteem was veronderstel om reeds teen November 2016...

Die DA in die Noord-Kaap doen ’n beroep op die LUR van Coghsta, Bentley Vass, om dringend in te gryp in die Kamiesberg-waterkrisis.

Luidens ’n DA-verklaring is meer as R13 miljoen glo in Garies aan ’n ontsoutingsaanleg spandeer.

Sperdatum geskuif

“Hierdie sisteem was veronderstel om reeds teen November 2016 klaar te wees,” sê Andrew Louw, DA-premierskandidaat. “Die sperdatum het na Maart 2017 geskuif. Tot op hede is die hierdie proses slegs 80% voltooi en die konstrukteur het nog nie hierdie perseel aan die munisipaliteit oorhandig nie.”

Tot stilstand

Louw voer aan hierdie aanleg kon baie huishoudings gehelp het met die droogte wat hulle tans ervaar. “Terwyl hierdie onvoltooide aanleg semi-operasioneel was, het dit nou tot ’n totale stilstand gekom weens die pomp wat gebreek het,” sê Louw verder.

Waterkrisis

Intussen het die chemikalieë ook gekom, maar dis van geen nut nie, omdat die pomp buite werking is. Verder het baie gedeeltes van Garies al vir weke lank nie water nie weens lae druk. Selfs nabygeleë gebiede soos Kheis, Twee Rivier en Kharkams ly onder hierdie krisis.

Swak bestuur

Kamiesberg se munisipale bestuurder, mnr. Rufus Beukes, het erken hierdie waterkrisis kom neer op swak bestuur.

Onaanvaarbaar

“Dit is onaanvaarbaar dat gemeenskappe van hulle basiese waterregte besteel word weens die munisipaliteite se wanbestuur,” sê Louw.

Vêrder in die verklaring sê die DA dat hulle ’n plan het om die waterbesnoeiings te verhoed.

Laura Wolvaardt teken meeste punte sover by ODI aan vir Proteas

Vandag is Wêreldkunsdag

Kan jy die naam van Bernice se volgende enkelsnit raai?

Man van Kroonstad sedert fratsvloede vermis

Boulders Beach tweede beste strand ter wêreld

Man verdrink op Saldanhabaai

Dink mooi voordat jy ’n onderwyser word

Christine van OME! deel verlowingsvideo

Voetgangers sterf toe voertuig in hulle inploeg

KYK: Dirk van der Westhuizen se hartroerende besoek aan kankerpasiënt

AfriForum sal help met eerste dagvaardiging vir uitstaande e-tolgelde