Gebakte blomkool – resep

Anja Barnard se gebakte blomkoolgereg is ideeal as jy op die Keto-dieet is.

Bestanddele:

1 x groot kop blomkool (± 6 koppies)

6-8 repies spek (opgesny & gebraai)

6 eetlepels gekapte grasuie (“chives”)

½ koppie mayonnaise

½ koppie suurroom

2 koppies gerasperde cheddarkaas

250 g gekapte sampioene (gebraai)

Metode:

Voorverhit oond tot 180 grade C.

Kook blomkool in water vir 8 – 10 minute, dreineer en laat afkoel.

Voeg saam in groot mengbak: suurroom, mayonnaise, helfte van die spek, 3 eetlepels grasuie, 1 koppie kaas, sampioene en blomkool

Meng dit goed saam.

Plaas in ‘n oondvaste bak.

Bedek met die res van die kaas en spek.

Bak vir 15 – 20 minute.

Strooi oorblywende grasuie oor die gebak.

Bedien warm.