Wie is ons

Nuusflits is Suid-Afrika se nasionale aanlyn koerant. Ons publiseer nuus uit al nege provinsies, gratis en op enige toestel.

Wat ons dek

Nuusflits berig oor misdaad, politiek, landbou, onderwys, sport, gesondheid en leefstyl. Ons dek nasionale sake sowel as nuus uit kleiner dorpe wat dikwels min aandag in die hoofstroommedia kry.

Wie agter Nuusflits staan

Nuusflits is in Maart 2020 gestig deur Jana Engelbrecht, wat sedert 2006 in die joernalistiek en uitgewersbedryf werk. Sy is onder meer die ontvanger van die Mondi Shanduka Koerantetoekenning (2006), die Vodacom Redakteurskeuse-toekenning (2007) en die Vodacom Joernalis van die Jaar-toekenning (2009).

Lid van die Persraad van Suid-Afrika

Nuusflits is ‘n lid van die Persraad van Suid-Afrika en onderskryf die Perskode vir Etiek en Gedrag vir Suid-Afrikaanse gedrukte en aanlyn media. Ons verbind ons tot verantwoordelike, akkurate en billike joernalistiek.

Indien jy ‘n klagte oor ons beriggewing wil indien, kan jy die aanlyn klagtevorm op www.presscouncil.org.za gebruik of die Persraad kontak by 011 484 3612.

Wetlike kennisgewings

Nuusflits is ‘n voldoenende aanlyn koerant vir die publikasie van statutêre kennisgewings. Bestorwe boedelkennisgewings ingevolge artikel 29 en artikel 35(5) van die Wet op Boedelbereddering 66 van 1965 word hier gepubliseer, in ooreenstemming met Meesterdirektief 1 van 2025.

Hoe om Nuusflits te volg

Lesers ontvang Nuusflits via die webwerf, ons daaglikse nuusbrief, WhatsApp, Telegram, Facebook, Instagram, TikTok en YouTube.