Die laaste vol week van die skoolvakansie het aangebreek. Dit is gewoonlik die tyd wanneer sommige kinders luidkeels verkondig dat hulle nie kan wag om hulle vriende weer te sien nie. Ander raak egter stiller en begin al hoe meer ipekonders kry.
Hier is wenke vir hoe jy as ouer jou kind kan help om angs vir skool te verminder:
- Ontwikkel ’n vaste roetine voor slaaptyd en soggens voor skool. Dit laat jou kind veilig en geborge voel.
- Gee vir jou kind iets om hom/ haar aan jou te herinner sodra angstigheid oorneem. Dit kan ’n spuit van Ma of Pa se parfuum wees of selfs juweliersware wat onder die skoolklere weggesteek is.
- Gaan saam met jou kind in die gees deur die skooldag om uit te vind wat presies die oorsaak van die angs is.
- Moenie vir jou kind kwaad raak as die angs kop uitsteek nie. Werk eerder saam aan praktiese oplossings.
- Moedig buitemuurse aktiwiteit aan waarvan jou kind hou en waar vriende gemaak kan word.
- Moenie dadelik skool toe gaan om die onderwysers of skoolhoof te spreek nie. Dit kan jou kind verder angstig maak. Gee tyd en los dit as laaste opsie.
Jy as ouer moet ferm maar ondersteunend wees om jou kind deur die hindernisse van sy of haar skoolloopbaan te lei.
Bronne: Healthy Children, Parent, Bezzia
