Die akteur Robert de Niro het onlangs verklap hy ervaar vaderskap as lewensveranderend, selfs op die ouderdom van 80.
Hy het in 2023 weer pa geword van ’n dogtertjie, Gia, wat tans nege maande oud is. Die swangerskap was beplan.
De Niro, wat altesaam sewe kinders het, sê hy vergeet van alle bekommernis wanneer hy na sy dogtertjie kyk. Hy wil so lank as wat dit moontlik is daar wees om haar te geniet.
Gia is sy eerste kind by sy meisie, Tiffany Chen. Tiffany is kort na Gia se geboorte met Bell-gesigsverlamming gediagnoseer. Dit is ’n siekte wat skielike spierverlamming aan die een kant van die gesig veroorsaak.
Bronne: People, Hindustan Times, CBS
