KWAZULU-NATAL. – ‘n Rusie by ‘n huis in Merrivale het Sondagoggend tragies geëindig toe een persoon dood en nog drie beseer is.
Volgens Midlands EMS is nooddiensspanne, insluitend hul K9-reddingsparamedici, omstreeks 07:45 na ’n woning in die Merrivale-omgewing ontbied ná berigte van ’n “huishoudelike voorval”. Met hul aankoms het paramedici die toneel beoordeel en vasgestel dat een persoon geen tekens van lewe toon nie. Die persoon is op die toneel dood verklaar.
Drie ander persone, ’n ma, ’n 9-jarige kind en ’n 2-jarige kind, is tydens die voorval beseer. Paramedici het onmiddellik gevorderde mediese behandeling op die toneel begin voordat die beseerdes gestabiliseer en na ’n nabygeleë hospitaal vervoer is.
Plaaslike owerhede ondersoek tans die omstandighede rondom die voorval.
