NASIONAAL. – Volgens lt.genl. Tebello Mosikili het die polisie tussen 1 April en 30 September ‘n totaal van 413 583 verdagtes in hegtenis geneem. In dieselfde tydperk is 3 442 vuurwapens in beslag geneem. Vir moord en poging tot moord is 7 479 verdagtes in hegttenis geneem en vir verkragting of poging tot verkragting 5 317.
Polisie-optrede het ook gelei tot die sluiting van 11 975 ongelisensieerde drankpersele en die inhegtenisneming van 18 656 mense wat alkohol sonder lisensie verkoop het. Die meeste inhegtenisnemings was egter dwelmverwant, met 64 356 verdagtes wat vir dwelmverwante misdrywe aangekeer is. Altesaam 8 552 verdagtes is vir dwelmhandel aangekeer.
In terme van beslagleggings is onder meer R5 miljoen kontant en gesmokkelde items ter waarde van R208 miljoen in beslag geneem. Boonop is 1 686 gesteelde of gekaapte voertuie teruggevind.
Wat veroordelings betref, is 7 415 beskuldigdes tot gevangenisstraf gevonnis. Hiervan is 477 ’n lewenslange vonnis opgelê en talle ander het vonnisse van 5 jaar tot meer as 40 jaar opgelê. Daarbenewens is 1 550 skuldigbevindings vir geslagsgeweld en vrouemoord behaal.
Mosikili sê die polisie se geïntegreerde, provinsiale en nasionale operasies – bekend as Operasie Shanela – sal voortgaan om misdaad te bekamp en padveiligheid tydens die feestyd te verseker.
