Lees ook: Adam Peaty toets positief vir Covid na hy silwer by Spele wen
PARYS, FRANKRYK. – Die Brasiliaanse swemmer, Ana Carolina Vieira, is huis toe gestuur na sy en haar kêrel by die Olimpiese Speledorp uitgeglip het om Parys te verken. Beide swemmers het nie in hulle onderskeie items vir die finaal gekwalifiseer nie.
Vieira en haar kêrel, spanmaat Gabriel Santos, het op 26 Julie ‘n goue reël van die Olimpiese Komitee verbreek deur sonder toestemming by die Speledorp uit te glip om Parys te gaan verken.
Die Brasiliaanse Olimpiese Komitee het Vieira teruggepos Brasilië toe en Santos slegs ‘n waarskuwing gegee.
Volgens die komitee was Vieira was “disrespekvol en aggressief” toe sy aangespreek is omdat sy uitgeglip het en dis hoekom sy huis toe gestuur is.
Vieira het op sosiale media gesê sy is na die lughawe toe gestuur sonder enige van haar besittings, maar die plasings is intussen verwyder.
Bronne: Outlook India, Reuters, New York Post
Lees ook: Adam Peaty toets positief vir Covid na hy silwer by Spele wen
