KWAZULU-NATAL. – Ongeveer 22 insittendes van ‘n volgelaaide minibustaxi en ‘n motor is Saterdagmiddag net voor 12:00 beseer toe hulle in Alan Paton- en Umbiloweg in Umbilo, Durban, teen mekaar gebots het. Een van die beseerdes was in die wrak vasgekeer.
Garrith Jamieson van ALS Paramedics sê dié diens het talle oproepe oor ‘n enrstige ongeluk gekry. Ná die impak van die botsing het die taxi verskeie kere gerol en van die insittendes is uitgeslinger. Paramedici het Ethekweni-brandweer lewenskake gebruik om die vasgekeerde insittende te bevry. Al die beseerdes is op die toneel gestabiliseer voordat hulle na verskeie Durban-hospitale vervoer is.
“In hierdie stadium is die gebeure wat tot die ongeluk gelei het onbekend. SAPD en Metro-polisie was op die toneel en sal verdere ondersoek instel,” het Jamieson gesê.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
