FlySafair het bevestig alle vlugte wat vir vandag geskeduleer is, sal betyds wees ten spyte van die vlieënierstaking.
Lees ook: FlySafair kanselleer nóg vlugte weens vlieënierstaking
Die lugrederye het gesê dit werk op ’n verminderde maar stabiele skedule wat verlede week ingestel is en dat passasiers vooraf laat weet is oor enige veranderinge aan hulle vlugtye.
FlySafair het gesê dit het gister 95.2% van die skedule op die beplande tyd deurgewerk te danke aan die deursettingsvermoë en toewyding van FlySafair se operasionele spanne. Die lugredery het ook gesê die meeste van die vlieëniers is aktief by die werk en wys hulle toewyding deur die lugredery se wêreldklas-standaarde te handhaaf.
FlySafair het gesê hulle gaan weer vandag met Solidariteit samesprekings voer om die staking en die eise van die vlieëniers te probeer oplos.
Broone: FlySafair
Lees ook: FlySafair kanselleer nóg vlugte weens vlieënierstaking
