Reisigers wat Suid-Afrika binnekom of verlaat, moet vanaf gister ‘n aanlyn reisigersverklaring voltooi voordat hulle deur lug-, land-, see- of spoorgrensposte reis. Die nuwe stelsel is ingestel om grensbeheer te verbeter en die verwerking van reisigers te vergemaklik.
Die Suid-Afrikaanse Inkomstediens sê die nuwe South African Traveller Management System (SATMS) stel reisigers in staat om goedere, insluitend kontantbedrae wat hulle vervoer, digitaal te verklaar. Verklarings kan ingedien word deur die SAID-doeaneportaal, die SATMS-selfoontoepassing of deur ‘n QR-kode te skandeer. Die Inkomstediens beklemtoon dat reisigers nie toegang tot of vertrek uit Suid-Afrika geweier sal word bloot omdat hulle nie hul verklaring voor aankoms voltooi het nie. Doeanebeamptes en selfdienkiosks sal by grensposte beskikbaar wees om reisigers by te staan wat nog nie hul verklarings ingedien het nie.
Die Inkomstediens moedig reisigers aan om hul verklarings vooraf te voltooi om wagtye te verminder en die grensproses so vlot moontlik te laat verloop.
Druk hier om na die verklaringsblad te gaan. Druk hier om meer te lees.
