OOS-KAAP. – ‘n Man (80) is vanoggend (Woensdag) dood toe die voertuig waarin hy gery het, in ‘n ongeluk op die N2 tussen Mondplaas en Jeffreysbaai betrokke was.
AO Majola Nkohli, polisiewoordvoerder, sê in ‘n verklaring ’n botsing tussen ’n vragmotor en ’n VW Tiguan het omstreeks 04:30 plaasgevind, waarna die Tiguan onmiddellik ná die impak aan die brand geslaan het. Die oorledene was die bestuurder en die enigste persoon in die voertuig.
Nkohli sê dat ’n saak van strafbare manslag is geopen is om die oorsaak van die ongeluk te ondersoek.
Volgens Port Elizabeth Traffic Updates het beide die voertuie aan die brand geslaan.
Bronne: SAPD en Port Elizabeth Traffic Updates
