GAUTENG. – ’n Ouer persoon het Woensdagoggend in ‘n swembad in die Garsfontein-gebied in Pretoria-Oos verdrink. Die persoon is op die toneel dood verklaar.
Volgens die Volunteer Emergency Medical Response Unit (VEMRU) is hulle net voor 08:00 ontbied nadat ’n persoon drywend in ’n swembad aangetref is. Met aankoms is die persoon reeds deur die polisie se waterreddingspersoneel uit die swembad gehaal, maar het geen teken van lewe getoon nie.
VEMRU bevestig dat die polisie ’n ondersoek van stapel gestuur het om die oorsaak van die voorval te bepaal.
Die polisie se Tshwane-watervleuel is vir bystand op die toneel bedank.
