OOS-KAAP. – ‘n Boer (65) se lewelose liggaam is vanoggend (Dinsdag) op ‘n kleinhoewe op die R102 aangetref. Die polisie ondersoek ‘n saak van moord en huisroof.
Luidens ‘n verklaring van polisiewoordvoerder, AO Majola Nkohli, is die polisie omstreeks 01:30 na ’n klagte van ‘n rooftog op die kleinhoewe ontbied. Op die toneel is die lewelose liggaam met oop wonde aangetref. Die identiteit van die oorledene word voorlopig teruggehou totdat ’n formele identifikasieproses afgehandel is.
Die polisie doen ’n beroep op enigiemand met inligting wat kan lei tot die arrestasie van die verdagtes om speur.kapt. Smit by 071 352 4623 te bel.
