DENEMARKE. – Lego het die grootste stel in die maatskappy se geskiedenis, gemeet aan die aantal stukke, bekend gemaak. Dit herskep Barcelona se ikoniese Sagrada Familia-basilika in ’n indrukwekkende boustel van 12 060 stukke.
Die nuwe Lego Architecture-stel is aangekondig ter viering van die 100ste herdenking van die dood van die bekende argitek Antoni Gaudí, wat in 1883 aan die wêreldbekende kerk in Barcelona begin bou het.
Met 12 060 stukke oortref die model die vorige rekordhouer, die Lego Art World Map, met byna 500 stukke.
Stel nommer 21065 word op 1 November 2026 bekend gestel teen ’n prys van $799,99.
Bron: Lego.com
