GAUTENG. – Storm, Connor en Cassidy Moodley was gedurende die naweek in ‘n ernstige motorongeluk. Connor en Cassidy is oorlede, terwyl Storm om haar lewe veg.
Hoërskool Roosevelt in Randburg, waar Storm in 2017, Connor in 2018 en Cassidy in 2020 op skool was, het die afsterwe en besering op hulle amptelike Facebook-blad bekendgemaak.
Janene Moodley, die meisies se ma, het op haar Facebook-blad gevra om sin van die tragedie te kan maak en die volgende boodskappe aan haar twee afgestorwe dogters gedeel:
“Maak dit sin maak” (Make this make sense)
“My poppie, om jou en Cass te verloor, is verreweg die grootste gewig wat ek nog ooit moes dra. In stukke rn”
“My babadogtertjie. Ek huil oor die lewe wat jy geleef het en die een wat jy nie geleef het nie. My hart is in stukke.”
Warren Symmons het die volgende plasing gemaak: “Baie dankie aan almal vir julle liefde en ondersteuning gedurende hierdie ongelooflik verskriklike tyd. Die beproewing is nêrens naby die einde nie, maar met verloop van tyd sal ek en my familie genoeg genees om die lewens en mense wat van ons weggeneem is, te vier. Geen ouer behoort ooit hul kinders te begrawe nie. Om te sê dat ons verpletter is, is ‘n groot onderskatting, maar met julle liefde en ondersteuning is genesing moontlik. Druk julle kinders vandag ‘n bietjie stywer vas en dank God vir die asem in hul liggame, want ons sal nie weet wanneer ons reise saam sal eindig nie.”
Lees die skool se plasing hier onder:
“Dit is met diepe hartseer dat ons die hartverskeurende nuus deel dat drie van ons alumni-susters – Storm (klas van 2017), Connor (klas van 2018) en Cassidy (klas van 2020) Moodley – gisteraand in ‘n ernstige motorongeluk betrokke was. Ons is verpletter om te hoor dat Connor en Cassidy tragies oorlede is, terwyl Storm tans vir haar lewe veg. Ons gedagtes en gebede is met die Moodley-familie gedurende hierdie ongelooflik moeilike tyd. Ons dra Storm in ons harte en bid vir krag vir haar om aan te hou veg. Mag Connor en Cassidy in volkome vrede rus.”
