WES-KAAP. – Die Hugenote-tonnel in die Paarl is sedert vanoggend vroeg (Saterdag) vir verkeer gesluit, nadat ‘n bus weens ‘n elektriese fout binne-in die tonnel aan die brand geraak het.
Volgens die Drakenstein-munisipaliteit se brandweerdiens, wat saam met die tonnel se brandspan op die toneel was, is al die passasiers betyds ontruim. Een persoon het ligte beserings opgedoen en is na ’n hospitaal vervoer. Geen verdere beserings is aangemeld nie.
Die tonnel sal gesluit bly totdat dit weer veilig is om te gebruik. Motoriste word versoek om van alternatiewe roetes gebruik te maak totdat die tonnel heropen.
