SUID-AFRIKA. – Mitchum Suid-Afrika het bevestig dat sommige verbruikers velirritasie ondervind het ná die gebruik van sekere lotte van Mitchum 48-uur 100 ml roll-on, wat plaaslik verkoop is. Geen ander produkte word geraak nie.
Volgens die maatskappy is die formule nie verander nie, maar ’n wysiging in die vervaardigingsproses van een van die grondstowwe het ’n negatiewe reaksie by sommige verbruikers ontlok. Mitchum het gesê hulle het teruggekeer na die oorspronklike proses en werk saam met kleinhandelaars om alle items van die spesifieke lotte van die rakke te verwyder.
Die betrokke produkte kan aan hul lotnommers, wat op die onderkant van die verpakking gedruk is, geïdentifiseer word.
