Lauren Dickason se appèlverhoor is vir 9 Februarie 2027 in Wellington in Nieu-Seeland geskeduleer.
Dickason, ’n Suid-Afrikaanse dokter, is in 2023 skuldig bevind aan die moord op haar drie dogters in Timaru in 2021. Sy is in Junie 2024 tot 18 jaar tronkstraf gevonnis.
Volgens 1News het Dickason reeds in Julie 2024 appèl teen haar skuldigbevindings aangeteken. Die verhoor in die appèlhof sal na verwagting drie dae duur.
Die gronde vir die appèl is nog nie volledig in die openbaar uiteengesit nie.
Dickason sal volgens berigte in September 2027 vir parool in aanmerking kom nadat sy ’n derde van haar vonnis uitgedien het.
Bron: 1News
