WES-KAAP. – Die Delft-polisie het hulle vanoggend (Maandag) omstreeks 09:15 na die toneel van ’n skietvoorval op die R300, Driftsands, gehaas. ‘n Man (32) met noodlottige skietwonde is aangetref. Nog twee mans is gewond en na ‘n mediese fasiliteit vervoer.
Sers. Wesley Twigg, polisiewoordvoerder, sê aan Nuusflits die oorledene is op die toneel dood verklaar. Die motief vir die aanval vorm deel van die polisie se ondersoek. Die verdagte(s) het die toneel verlaat en is nog nie in hegtenis geneem nie.
Delft-speurders ondersoek ‘n saak van moord en poging tot moord.
Enigiemand met relevante inligting oor hierdie skietvoorval word gevra om na vore te kom.
