GANSPAN. – ‘n Man (28) is Vrydag op Ganspan in hegtenis geneem vir moord en poging tot moord nadat 14 persone die nag van 27 Julie 2025 beseer is tydens ‘n kuiery by ‘n sjebeen op Ganspan.
Lees ook: Polisie ondersoek drie moorde in Muizenberg
Die 14 het buite om ‘n vuur gesit en kuier toe ‘n tydelike kragonderbreking ontstaan het. ‘n Persoon het ‘n onbekende voorwerp in die vuur gegooi, wat tot ‘n ontploffing gelei het. Al 14 persone is beseer en na ‘n hospitaal geneem, waar drie mense aan hulle beserings beswyk het.
Enigiemand met inligting oor die insident kan kol. Letlhogonolo Kanakang by 071 686 1360 of kol. Corrie Coghlan by 071 686 0020 skakel.
Bron: SAPD
