Meer foto’s in berig.
KWAZULU-NATAL. – ’n Man (33) is Donderdag na die Osindisweni-regeringshospitaal geneem nadat hy by ‘n steengroef in Canelands deur ‘n slag gepik is.
Reaction Unit South Africa (Rusa) sê in ‘n sosialemediaplasing die man en die dooie slang in ‘n plastieksak is net ná 12:00 deur ‘n kollega na dié diens se hoofkantoor geneem. Hy is deur paramedici gestabiliseer en onmiddellik vir behandeling aan sy regterhand na ‘n hospitaal vervoer.
Die kollega het Rusa meegedeel dat die man tydens werk by die steengroef gepik is. Die slang is op die toneel doodgemaak en vir identifikasie saam met die man geneem. Dit is later as ’n rombiese nagadder, bekend vir ‘n donker V-vorm op sy kop en soortgelyke ruit-patrone op sy rug, geïdentifiseer, waarvan die gif sitotoksies is en veral weefsel aantas.
