GAUTENG. – Onmin heers in die Zuma-familie nadat die een dogter van die voormalige president, Jacob Zuma, ‘n kriminele saak teen haar suster oopgemaak het. Nkosazana Bonganini Zuma-Mncube het ‘n beëdigde verklaring by die Sandton-polisiekantoor afgelê waarin sy versoek dat ondersoek ingestel word na Duduzile Zuma-Sambudla (foto), Siphokasi Xuma en Blessing Khosa. Dit hou verband met bewerings dat 17 Suid-Afrikaanse mans glo in die Oekraïne/Rusland-konflik vasgevang is.
Brig. Athlenda Mathe, nasionale polisiewoordvoerder, het bevestig dat die verklaring vir die ondersoek afgelê is. Volgens die polisie beweer Mncube dat die mans onder valse voorwendsels na Rusland gelok is en daarna aan ’n Russiese huursoldaatgroep oorhandig is om in die Oekraïense oorlog te veg, sonder hulle kennis of toestemming.
’n Ondersoekdossier is geregistreer, aangesien die aanklagte eers deur ’n volledige ondersoek bepaal moet word. Mathe het aangedui die saak is intussen vir ondersoek na die Valke se komponent vir misdade teen die staat oorgedra.
Zuma-Sambudla word met omstredenheid aan die saak rakende openbare onrus van 9 to 18 Julie 2021 verbind.
Foto: Hopewell Chin’ono
