MPUMALANGA. – Morgenzon Landbou Akademie (MLA) sê die skool is bewus van ’n berig wat versprei word wat beweer dat die instelling moontlik gaan sluit, maar volgens die bestuur is die inligting onwaar.
In ’n sosialemediaplasing sê die skool dat alle bedrywighede normaal voortgaan en dat daar geen voorneme is om die deure te sluit nie. Die bestuur versoek ouers en die publiek om slegs op amptelike kommunikasie van die skool staat te maak.
Die skool sê enige persoon met vrae of onsekerhede kan direk met die bestuur skakel. In die verklaring bedank die skool die gemeenskap vir sy voortdurende ondersteuning.
MLA het ‘n geskiedenis wat sover as 1913 gaan. Morgenzon-dorp is in 1912 gestig en die skool ‘n jaar later. Teen 1951 het die skool as Morgenzon Intermediëre Goewerment Skool bekend gestaan en het leerling van gr. 1 tot gr. 11 geakkommodeer. Toe reeds is aanbeveel dat die skool ‘n landbouskool verklaar moet word. Die skool was vanaf 1957 ‘n volwaardige landbouskool. Die laer- en hoërskool wat eers geskei was, is in 1993 saamgevoeg.
