INDIë. – Gesondheidsowerhede in Indië het onlangs ’n uitbraak van die Nipah-virus in die Wes-Bengale-staat bevestig. Die virus, wat van vrugtevlermuise en diere soos varke na mense oordraagbaar is, kan ook van mens tot mens versprei. Dit het reeds tot kwarantynmaatreëls vir kontakpersone en streng gesondheidsmaatreëls by hospitale gelei. Tans is geen spesifieke behandeling of entstof teen die virus beskikbaar nie.
Die virus kan ernstige siekte veroorsaak, insluitend koors, asemhalingsprobleme en breinontsteking, en die sterftesyfer van bevestigde gevalle wissel tussen 40% en 75%. Bevestigde uitbrake het voorheen in Indië, Bangladesj, Maleisië en Singapoer voorgekom, terwyl lande soos Thailand, Indonesië, Kambodja en die Filippyne as vatbaar beskou word.
Gesondheidsowerhede moedig die publiek aan om voorsorgmaatreëls te tref, soos om kontak met vlermuise en ander wilde diere te vermy, geen ongeskilde of rou voedsel te eet wat moontlik besmet is nie, gereeld hande te was en mediese hulp te soek indien simptome ná ’n reis in ’n uitbraakgebied voorkom.
Internasionale gesondheidsinstansies monitor die situasie en werk saam met plaaslike owerhede om verdere verspreiding te beperk. Lande in Asië het hul gesondheidsiftings by grense en lughawens verskerp.
Bronne: samaa.tv, Centers for Disease Control and Prevention: cdc.gov, Wêreldgesondheidsorganisasie: who.int
