CHINA. – ‘n Fabrieksfout het ‘n speelgoedperdjie, wat vir die Chinese Nuwejaar (Die Jaar van die Perd) vervaardig is, in ‘n ikoon verander vir die Chinese jeug wat keelvol is vir hulle land se moordende “996”-kultuur.
‘n Werker het per ongeluk die mond van die perdjie onderstebo gestik, wat die speelding se glimlag in ‘n ontevrede frons verander het. Dit het gou ‘n Internet-sensasie geword en die gevoel van ‘n geslag vasgevang wat genoeg gehad het daarvan om van 09:00 tot 21:00 saans te werk, ses dae ‘n week. Dit het vinnig 100 miljoen kyke op die sosialemediaplatvorm Weibo gekry.
“With a face full of resentment and helplessness, it really looks like an employee coaxing themselves to go to work” het een gebruiker oor die moerige perdjie geskryf.
Winkels kon nie voorbly met die perdjies nie, gevolglik word voorraad gedurig aangevul.
Bronne: ENCA, ABC News, YouTube
