Opruimingsoperasies is tans aan die gang in gemeenskappe in die Wes-Kaap wat die swaarste deur die onlangse storms getref is.
Lees ook: Meer as 130 Wes-Kaapse skole bly Maandag gesluit ná storms
https://nuusflits.com/meer-as-130-wes-kaapse-skole-bly-maandag-gesluit-na-storms/
Volgens die Provinsiale Rampbestuur is noodverligtingspanne op die grond om geraakte inwoners by te staan.
Weens wydverspreide skade wat deur swaar reën en vernietigende winde veroorsaak is, is verskeie gebiede heeltemal afgesny.
Uitgebreide skade aan infrastruktuur is aangemeld en elf mense het hul lewens verloor.
Sien: https://youtu.be/iFLT-87mLIE?si=tLg9lt-7_Pbg_j2J
Colin Deiner, die hoof van Provinsiale Rampbestuur, sê hul prioriteit is om die watertoevoer te herstel en voedsel aan mense te voorsien.
“Die hooffokus van die noodverligtingspanne in die Wes-Kaap ná die oorstromings vandag sal wees om voedsel te voorsien aan mense wat in talle gebiede regoor die provinsie geraak is. Daar word ook gefokus op die uitbreiding van watervoorsiening aan gebiede wat van hul watertoevoer afgesny is, insluitend die Breedevallei-gebiede in die Drakenstein Munisipaliteit, asook gebiede in die Tuinroete Munisipaliteit.”
Bron: SABC Nuus
