PAKISTAN. – Pakistan het die Afghaanse hoofstad, Kaboel, aangeval as deel van ’n reeks aanvalle regoor die land, volgens ’n regeringsamptenaar.
Volgens BBC News volg die Pakistaanse aanvalle Vrydag op ‘n groot offensief wat die Afghaanse Taliban Donderdagaand teen Pakistaanse militêre poste naby die grens aangekondig het.
Terwyl spanning toeneem, het Pakistan se eerste minister, Shehbaz Sharif, gesê die land het “die volle vermoë om enige aggressiewe ambisies te verpletter”, terwyl die minister van verdediging ’n “oop oorlog” teen die Afghaanse Taliban verklaar het.
’n Woordvoerder van die Afghaanse Taliban het op X gesê die groep het met hernieude aanvalle teen Pakistaanse troepe gereageer – hoewel die plasing intussen verwyder is.
Bronne: BBC News, Daily News
