LIMPOPO. – ‘n Bejaarde man (68) is glo Maandagaand in Makhado (voorheen Louis Trichardt) deur verdagtes op sy plaas langs die Elim-pad oorval en aangerand. Daar is probeer om hom te skiet, maar die vuurwapen het nie afgegaan nie.
Kol. Malesela Ledwaba, provinsiale polisiewoordvoerder, sê die voorval het omstreeks 19:30 plaasgevind toe die twee verdagtes die man gekonfronteer het. Die slagoffer het beserings tydens die voorval opgedoen. Die verdagtes het met leë hande van die toneel gevlug. Nog geen inhegtenisnmeings is gemaak nie.
Enigiemand met relevante inligting wat met die ondersoek kan help, word gevra om sers. Tshifhiwa Netshia by 066 263 4915 te bel.
Polisie-ondersoeke duur voort.
