GAUTENG. – Wiandre Pretorius het vanoggend (Donderdag) ongedeerd ontsnap, toe daar kort voor 10:00 deur verdagtes by sy huis in die Dawnpark-polisiëringsgebied, Boksburg, op hom geskiet is.
Kol. Dimakatso Nevhuhulwi, woordvoerder van die polisie, sê dat die slagoffer besig was om by sy huis in te ry toe hy deur onbekende verdagtes in ’n wit Toyota Vitz geteiken is. Skote is op hom geskiet voordat die verdagtes gevlug het. Die bakkie van die slagoffer is met koeëlgate deurspek. Die motief van die skietvoorval is tans onbekend. Ondersoek na die voorval is aan die gang.
Lt.genl. Tommy Mthombeni is na die toneel van die skietery, wat as ‘n beweerde poging tot ‘n “sluipmoord” bestempel is. Die polisie ondersoek ‘n saak van poging tot moord. Pretorius, ‘n polisie-informant, is blykbaar by die Madlanga-kommissie geïmpliseer deur die getuienis van wyle Marius van der Merwe.
Foto: Wiandre Pretorius Facebook
Bronne: SAPD, SABC News, Yusuf Abramjee, Suburban Control Centre, MDN News
