INTERNASIONAAL. – Vier Russiese soldate beweer hulle is gemartel, gestraf en in sommige gevalle glo tereggestel omdat hulle geweier het om bevele uit te voer of aan aanvalle in Oekraïne deel te neem.
In die dokumentêr The Zero Line: Inside Russia’s War beskryf die soldate hul ervarings aan die front. Twee van hulle het aan die BBC gesê hulle het gesien hoe mede-soldate summier doodgeskiet word nadat hulle geweier het om opdragte uit te voer.
Die mans, wat tans op die vlug is, het ook vertel hoe hulle gemartel is nadat hulle geweier het om aan aanvalle deel te neem wat hulle as byna selfmoordmissies beskou het. Een van hulle het beweer hy het sowat 20 liggame van mede- Russiese soldate in ’n put sien lê en aangevoer hulle is deur hul eie kant “geneutraliseer”.
Bronne: BBC, NDTV
