SWITZERLAND. – Besoekers aan die Fondation Beyeler-kunsmuseum in Switzerland het onlangs die opsie gehad om kuns in hulle swemklere te besigtig.
Yahoo! News het ‘n besoeker in ‘n bikini met sequins so aangehaal: “It’s a rather unusual experience, you’re always looking to see if other visitors are wearing swimwear.” Besoekers wat in swemklere opgedaag het, kon gratis by die museum ingaan. Party was kaalvoet, terwyl ander tot swempette op gehad het. Sommige het die kans gebruik om in die museum se tuin te sonbrand.
Die Italiaanse kunstenaar, Maurizio Cattelan, wat aan die hoof van die projek gestaan het, is geïnspireer deur die kunswerk van mense wat bad, Bathers, deur die Franse kunstenaar Paul Cézanne.
‘n Besoeker, die argitek Ana Lopes, het gesê: “You can feel from Cézanne’s paintings that he wants to be inspired by nature and expose that organic experience of the nature, of the people. “Dressing in swimwear is close to that, because you are almost naked.”
Bronne: Yahoo! News, Euronews
