WES-KAAP. – ’n Seun (14) het Saterdag by Tabakbaai (Danger Bay) naby Saldanhabaai in die branders vermis geraak. Sy liggaam is gekry, waarna hy dood verklaar is.
West Coast Medical Rescue sê die seun se liggaam is deur die polisie uit die see gehaal. Meegevoel is aan die seun se familie oorgedra.
Luidens ‘n verklaring van Craig Lambinon, NSRI-woordvoerder, is die diens volgens Craig McIver, NSRI-Mykonos se waarnemende stasiebevelvoerder, ná 15:00 ontbied vir ‘n persoon wat besig was om te verdrink. Die tiener het vermis geraak terwyl hy geswem het.
‘n Reddingsvaartuig en swemmers, sowel as ander rolspelers, het gehelp om hom in die see en langs die kus te soek, ‘n NSRI-reddingsduiker het die rigting van die seestrome bepaal. ‘n Sea Bordeline Control-vaartuig van die polisie het later by die soektog aangesluit. Die tiener is uiteindelik half drywend onder water in die branders gevind en na die strand gebring, waar hy deur paramedici dood verklaar is. Die liggaam is aan die polisie en die forensiese patologiese dienste oorhandig.
