GAUTENG. – Donald Trump, die Amerikaanse president, het in ’n verklaring op sy X-rekening aangekondig dat Suid-Afrika nie die G20-beraad in 2026 in Miami sal bywoon nie. Die besluit is glo gemaak oor onafgehandelde menseregtekwessies. Finansiële hulp is ook gestaak.
Hy het gesê die besluit volg ná wat hy beskryf as onafgehandelde menseregtekwessies teenoor wit boere in Suid-Afrika, insluitend moorde en grondbesettings wat hy as volksmoord bestempel het. Trump het in sy verklaring gesê die VSA sal finansiële hulp aan Suid-Afrika staak, waarvan die grootste deel gesondheidsprogramme raak.
Volgens Trump het president Cyril Ramaphosa nie die tradisionele oorhandiging van die G20-presidentskap aan ‘n senior Amerikaanse verteenwoordiger, wat die sluitingseremonie in Suid-Afrika bygewoon het, voltrek nie.
