WASHINGTON. – President Donald Trump het Vrydag 19 Junie sy veelbesproke en luukse nuwe vervoermiddel bekend gestel – ’n Boeing 747 wat deur Katar geskenk is en nou as Air Force One dien.
Trump het die aangepaste vliegtuig – geverf in blink rooi, wit en blou – by die Joint Base Andrews-lugmagbasis in Maryland ten toon gestel voordat hy vir die Vadersdagnaweek na die presidensiële toevlugsoord Camp David vertrek het.
Volgens Yahoo! News het Trump gesê: “Die vakmanskap van hierdie vliegtuig – wanneer jy dit sien, sal jy dit nie glo nie. Die gehalte van die hout, die gehalte van die materiale en die gehalte van die enjins … hierdie enjins is die beste ter wêreld. Daar is niks soos dit nie.”
Die Boeing 747, wat deur Katar aan die VSA geskenk is, is omvattend aangepas om as ’n tydelike Air Force One te dien terwyl die volgende generasie presidensiële vliegtuie nog voltooi word.
Bronne: Yahoo! News, Benzinga.
