OOS-KAAP. – ‘n Verdagte (39) is Vrydag ná ’n skietgeveg met die polisie buite Centane dood. Die polisie wou sy voertuig stop en deursoek, maar hy het glo versnel, gevlug en op die polisie geskiet.
Lt.kol. Siphokazi Mawisa, sê in ‘n verklaring toe die bestuurder met die Toyota-bakkie uit die dorp vlug, het die polisie hom in die rigting van Macibe gevolg. Die verdagte het tot stilstand gekom en op die polisie geskiet. Die polisie het teruggeskiet en die man is aan sy beserings dood. ‘n 9 mm-pistool en magasyn met lewendige rondtes is teruggevind.
’n Saak van geregtelike doodsondersoek en poging tot moord is geopen. Die voorval sal deur die onafhanklike polisie-ondersoekdirektoraat (Opod) ondersoek word.
