MPUMALANGA. – Dumisane Ndlovu (49), ‘n provinsiale inspekteur van Piet Retief, was Donderdag omstreeks 17:00 besig met roetinestop-en-nagaandiens toe hy op die N2 naby Mkhondo deur ‘n minibustaxi getref is. Hy is op die toneel dood verklaar.
Luidens ‘n verklaring van Moeti Mmusi, woordvoerder van die departement van gemeenskapsveiligheid, sekuriteit en skakeling, is Ndlovu die vierde verkeersbeampte wat op dieselfde stuk pad in soortgelyke omstandighede gesterf het. ‘n Saak van strafbare manslag word ondersoek.
