GAUTENG. – Lorraine Scheepers (60), ’n voormalige finansiële klerk by Laerskool Akasia, is deur die Pretoria-Noord-landdroshof aan bedrog en diefstal skuldig bevind en gevonnis. Scheepers is drie jaar tronkstraf opgelê, geheel opgeskort vir vyf jaar en is beveel om R210 000 aan die skool terug te betaal.
Luidens ‘n verklaring deur Steve Mabona, GDO-woordvoerder, het die departement se teen-korrupsie eenheid ná ‘n anonieme wenk ‘n ondersoek na beweerde bedrieglike bedrywighede geloods. Met die ondersoek is bevind Scheepers het tussen 2019 en 2021 ongeveer R846 000 van skoolgeld gesteel en bankstate gemanipuleer om die diefstal te verberg.
Matome Chiloane, LUR vir onderwys in die provinsie, het dié departement vir sy werk geprys en beklemtoon daar is ‘n zero-toleransiebeleid teen korrupsie in skole.
